Kerswens uit Pastorie
Hoe sal jy 2018 gradeer? Was dit ‘n goeie een? In ‘n geloofsgemeenskap of dorp sal al die beskikbare graderings gebruik kan word, van uiters goed na uiters sleg. Soos jou eie ervarings dalk uiteenlopend was, so ook ander s’n. Ons jaar het begin met ‘n droogte. Dag zero was ‘n swaard oor ons koppe. Ons het vroeg in die jaar ‘n nuwe president gekry. So kan ek goed opnoem. Reën en hael...Daar was ook die stories uit ons huise van vreugdes en swaarkry.
Ekself het hierdie jaar uiteenlopend ervaar. As ek uit my eie hart en ervaring van die jaar vir jou ‘n Kersseisoen wens wil gee, sal ek dit doen met hierdie beeld: dat God langs die pad wag vir elkeen van ons. My wens is dat jy Hom sal herken, innooi en tyd saam sal spandeer.
Ons gaan ‘n paar dae see toe en dan by oupa en ouma se kleinkind op die plaas kuier. Ek kom terug om die Kersdiens te hou.
Waar jy ook al is in hierdie dae, wens ons jou die beste van die aller, aller, beste toe. Kyk uit Hy staan en wag langs die pad.
Peet en Adrienne
https://www.facebook.com/ngkfranschhoek/photos/a.434601443299704/2070020399757792/?type=3
December 12
Ek will graag ń telfoon no kry van julle Dominee. Ek will graag my huweliksbeloftes met my vrou van 27 jaar hernu. Ons was daar op vakansie en is mal oor julle kerk.
Goeie dag Lourens,
Kontak gerus ons kerkkantoor by 021 8762431 om reelings te tref.
Groete