Lees Heinrich se storie hier. Dankie aan al die mense wat 'n verskil maak in kinders se lewens.

valcare.org.za

June 12

PERSVERKLARING: HEINRICH GABLER, OUD-INWONER VAN HUIS ANDREW MURRAY WORD GEKROON AS MNR SUID-AFRIKA – MAANDAG 10 JUNIE 2019 Die beheerraad, bestuur, personeel en kinders van Huis Andrew Murray (HAM) wens Heinrich Gabler hartlik geluk met sy kroning as Mnr Suid-Afrika. Heinrich, oud-inwoner van Huis Andrew Murray is aktief betrokke by die werksaamhede van Huis Andrew Murray. As motiveringspreker tree hy gereeld op by funksies en byeenkomste van HAM en streef daarna om ‘n verskil te maak in die lewens van kinders. Huis Andrew Murray is ‘n kinder- en jeugsorgsentrum wat vanuit ‘n Christelike lewensbeskouing die volledige en gesonde ontwikkeling van kinders bevorder op religieuse, opvoedkundige, fisiese, sosiale en psigiese terrein d.m.v. die benutting van multi-dissiplinere dienste. Dit word gedoen sodat kinders in staat gestel kan word om sy of haar plek as gebalanseerde volwassene en verantwoordelike landsburger vol te staan. Heinrich het per geleentheid die volgende opmerking gemaak: “Dit was die beste plek vir my in daardie stadium van my lewe. Dankie aan elke huismoeder wat so mooi omsien na al die kinders.” Huis Andrew Murray se beste wense vergesel Heinrich vir die toekoms. HAM Beheerraad, Bestuur, Personeel en spesiale kinders

June 12

360º GEE NOG ‘N TREE – PINKSTER 2019 Beste reisgenoot Ek hoop dis wel met jou en dat jy nie die huidige griep plaag meemaak nie. Ekself het my offers aan die medisyne maatskappye gemaak maar helaas het dit my weke geneem om die kiem af te skud – ek is weliswaar nog nie heeltemal daardeur nie. Ek skryf ‘n kort brief oor ons reis saam. Gister se dagteks het my nogal verras. Die teks was Hosea 10:12 'Ek het gesê: “Saai volgens my wil, en julle sal my liefde oes. Ploeg vir julle 'n nuwe land! Dit is nou die tyd om na my wil te vra sodat Ek kan kom en weldade oor julle uitgiet.” Die woorde “saai” en “ploeg” het my opgeval. Dalk is die volgorde vir ‘n boer vreemd maar los dit daar. Wil jy nie saam dink oor hierdie twee woorde en jou reis met God nie? “Saai volgens My wil... en julle sal my liefde oes.” Hoe saai ek? Wat saai ek? Wanneer saai ek? “Ploeg ‘n nuwe land... dis nou tyd om na My wil te vra.” Ek hoor iets van nuwe dinge en om by die Here te hoor wat wil Hy? Wat sou dit in jou lewe beteken? Sou jy nie doelbewus iewers gaan sit en dit oordink nie? Ons hou weer Pinkster volgende week. Die tema is “Die Goeie Nuus”. Is ek nog oortuig die evangelie is Goeie Nuus? Hoe praat ek oor die Here met ander mense? Moet ons enigsins getuig? Hoe pas die teks van Saai en Ploeg in by die boodskap oor Goeie Nuus? En ten slotte, waar pas ek en jy in? Wil jy nie die Pinksterweek sien as ‘n ploeg en saaityd nie? Dis my gebed en verwagting dat dit ‘n goeie week in God se boerdery gaan wees. Pinkster is Sondag 2 Junie om 9:30; aand 18:00 en Maandag tot Donderdag 18:30. Sondag 9 Junie afsluiting. Gaan jou wel Peet 0845833454

May 29

Donderdag 30 Junie - Hemelvaart diens om 18:30 PINKSTER 2019 Sondag 2 Junie om 9:30 – Die Goeie Nuus Sondagaand 2 Junie om 18:00 – Die Goeie Nuus dring ons Maandag 3 Junie om 18:30 – Die Goeie Nuus vir almal Dinsdag 4 Junie om 18:30 – Deel die Goeie Nuus Woensdag 5 Junie om 18:30 – Wat is die Goeie Nuus? Donderdag 6 Junie om 18: 30 – Leef die Goeie Nuus Sondag 9 Junie Pinksterfees – Vier die Goeie Nuus Heerlike Sop en brood word elke aand na die Pinkster diens bedien in die kerksaal. Almal welkom! Die Pinkster dienste word elke oggend om 10:00 in Fleur de Lis se sonkamer herhaal vir diegene wat nie die aande kan bywoon.

May 29

Graag verneem ek wie preek Sondag?

May 18