Raak bekend daar waar dit regtig saakmaak

Raak bekend daar waar dit regtig saakmaak

deur Stephan Joubert (eKerk)
Lyk my, elke tweede Facebook bladsy of Youtube video handel deesdae oor indiwidue wat voor aankomende treine verbyhardloop, oor geboue probeer spring met motorfietse, en wat nog alles. Mense vang die vreemdste dinge aan en plaas dit op sosiale media. Daarom verbaas dit my nie dat ’n onlangse studie onder die millennium generasie bevind het dat ’n beduidende groep jongmense glo hulle gaan binnekort “celebrities” wees, al moet hulle ook, soos wat hulle dit stel: “extreme things” waag.

Voordat jy my verkeerd verstaan: bekendheid as sodanig is nie ’n probleem nie. Die Here gebruik graag ook bekende mense. Vat maar vir ’n Josef, ’n Moses of ’n Ester wat almal binne hulle eie dag bekend was. Bekendheid kan egter nooit ’n doel opsigself wees vir Christus se mense nie. Wat help dit in elk geval ons wen die hele wêreld maar ons siel ly skade, soos wat Jesus in Matteus 10 vir ons sê? Vandag se helde is môre se vergetenes. Ons hoef regtig nie beroemd te wees om die regte dinge vir die Here te doen nie. Ook hoef ons nie ekstreme dinge te doen, of selfs groot dinge om die regte impak vir Hom te maak nie. Dit is juis deur ons getrouheid in klein dingetjies soos vriendelikheid, deernis en respek vir ander mense, asook deur aanhoudende klein dade van ontferming in Jesus se Naam, dat Hy geëer word. Tereg sê Jesus dan ook in Matteus 10 dat nie eens ’n bekertjie koue water wat stilweg uitgedeel word ongesiens by die hemel verbygaan nie. Doen dit en raak beroemd op die regte plek — daar waar God en sy hemelse skares is.

– stephan joubert

Leave a Reply

Your email address will not be published. Required fields are marked *

Van ons Facebook blad

Kalender

March 2019
Monday Tuesday Wednesday Thursday Friday Saturday Sunday
February 25, 2019 February 26, 2019 February 27, 2019 February 28, 2019 March 1, 2019 March 2, 2019 March 3, 2019
March 4, 2019 March 5, 2019 March 6, 2019 March 7, 2019 March 8, 2019 March 9, 2019 March 10, 2019
March 11, 2019 March 12, 2019 March 13, 2019 March 14, 2019 March 15, 2019 March 16, 2019 March 17, 2019
March 18, 2019 March 19, 2019 March 20, 2019 March 21, 2019 March 22, 2019 March 23, 2019 March 24, 2019
March 25, 2019 March 26, 2019 March 27, 2019 March 28, 2019 March 29, 2019 March 30, 2019 March 31, 2019

Archives

wordpress stats plugin